Lawrlwythwch y llawlyfr
Lawrlwythwch y llawlyfr
Mae modd atal trais, ac mae dod â thrais i ben yn bosibl. Trwy ddatblygu'r fframwaith Cymru Heb Drais, mae pobl ifanc a gweithwyr proffesiynol wedi mentro dychmygu cymdeithas lle rydym oll yn byw yn rhydd rhag trais.
Caniatáu i fechgyn a dynion ifanc gael lle diogel i herio'r normau a'r naratifau sy'n cael effaith ar eu bywydau.
Gweld Stori
Mae #SafeToSay yn ymgyrch a ddatblygwyd gan Uned Atal Trais Cymru, mewn partneriaeth â’r Ymgyrch Noson Allan Dda, sydd â’r nod o wneud bywyd nos yn fwy diogel drwy annog pobl i sefyll yn erbyn aflonyddu rhywiol yn ne Cymru.
Gweld Stori
Mae Darpariaeth Ieuenctid Gwasanaeth Tân ac Achub Cymru Gyfan yn gweithio i sicrhau bod plant a phobl ifanc yn cael eu clywed a’u bod yn cael y cymorth a’r addysg gywir i’w helpu i wneud penderfyniadau cadarnhaol.
Mae Media Academy Cymru yn cynnig amrywiaeth eang o gyrsiau sy'n darparu dewis amgen i addysg brif ffrwd i fyfyrwyr 16-25, cefnogi plant a phobl ifanc i gyflawni eu potensial.
Rhaglen a ddarperir gan Media Academy Cymru yw Dewisiadau Dewrach sy'n cynorthwyo plant a phobl ifanc sy'n defnyddio arfau neu sydd mewn perygl o wneud hynny.
Mae Cymru ar genhadaeth i roi terfyn ar drais ymhlith plant a phobl ifanc. Mae Fframwaith Cymru Heb Drais ar gyfer y gweithwyr proffesiynol, gwirfoddolwyr, cymunedau, plant a phobl ifanc sy’n barod i'w wireddu.
Mae trais yn broblem niweidiol a systemig ond rydym yn gwybod o'r dystiolaeth bod modd ei atal - a bod rhoi terfyn arno'n bosibl. Trwy ddatblygu'r Fframwaith, mentrodd plant, pobl ifanc a gweithwyr proffesiynol o bob rhan o Gymru ddychmygu cymdeithas lle rydym oll yn byw yn rhydd rhag trais.
Mae’r Fframwaith yn ganllaw sy’n helpu i baratoi’r ffordd ar gyfer Cymru heb drais, un sy’n canolbwyntio ar atebion i gynorthwyo gweithwyr proffesiynol ac sy’n adlewyrchu safbwyntiau, profiadau a dyheadau plant a phobl ifanc sy’n byw yng Nghymru.
Y Fframwaith
Mae Llawlyfr Cymru Heb Drais yn cynnwys y Fframwaith llawn, sy'n gosod y sylfaen ar gyfer gweithredu amlasiantaethol. Bwriad y Fframwaith yw cynorthwyo partneriaid yng Nghymru i sicrhau bod amser, arian ac adnoddau gwerthfawr yn cael eu gwario ar weithredu strategaethau a gweithgareddau sy'n atal trais ymhlith plant a phobl ifanc.
