Lawrlwythwch y llawlyfr
Lawrlwythwch y llawlyfr
Mae Uned Atal Trais Cymru a Peer Action Collective Cymru wedi arwain ar ddatblygu Fframwaith Cymru Heb Drais.
Mae Peer Action Collective Cymru (PAC Cymru) yn brosiect ymchwil gweithredu cymdeithasol arloesol a arweinir gan blant a phobl ifanc 16 i 25 oed ac wedi ei ariannu gan y Gronfa Waddol Ieuenctid a’r Co-Op. Mae PAC Cymru yn dylunio ac yn cynnal ymchwil am brofiadau pobl ifanc o drais. Wedyn maen nhw’n cael eu cynorthwyo i droi’r hyn maen nhw wedi’i ddysgu yn weithredu i greu cyfleoedd i bobl ifanc wneud eu cymuned yn lle mwy diogel a thecach. Yng Nghymru, cefnogir Peer Action Collective gan Media Academy Cymru.
Cafodd Uned Atal Trais Cymru (VPU) ei sefydlu â chyllid gan y Swyddfa Gartref yn 2019. Tîm amlasiantaethol yw hwn sy’n rhychwantu plismona ac iechyd, gan ddefnyddio dull iechyd cyhoeddus o atal trais. Mae hyn yn golygu ceisio deall achosion trais yn seiliedig ar dystiolaeth a defnyddio’r dystiolaeth hon i ddatblygu ymyriadau sy’n canolbwyntio ar achosion sylfaenol trais. Mae ymyriadau’n cael eu gwerthuso cyn eu cynyddu i helpu rhagor o bobl a chymunedau ledled Cymru. Trwy’r dull hwn mae’r VPU yn anelu at ddatblygu ymateb system gyfan i atal trais.
Cynorthwyodd nifer o sefydliadau yng Nghymru ddatblygiad y Fframwaith trwy ddarparu arweiniad ac arbenigedd technegol a threfnu gweithdai a darparu mannau i blant a phobl ifanc gymryd rhan yn yr ymgynghoriad.
Ochr yn ochr â’r cymorth hwn, cymerodd dros 1,000 o blant, pobl ifanc a gweithwyr proffesiynol o bob rhan o Gymru ran mewn gweithdai, digwyddiadau a’r ymgynghoriad ar-lein.
